තරුණ ක්‍රිස්තියානි සංගමය මැදිහත් වීමෙන් තරුණ පරපුර සුරක්ෂිත හා ගෞරවනීය ප්‍රජාවක් උදෙසා සවිබල ගන්වයි.

ශ්‍රී ලංකා තරුණ ක්‍රිස්තියානි සංගම් ජාතික සභාව (NCYSL) විසින් ක්‍රියාත්මක කරනු ලබන "ස්ත්‍රී පුරුෂ සමාජභාවය මත පදනම්වූ හිංසනය වැළැක්වීම උදෙසා තරුණ මැදිහත්වීම" ව්‍යාපෘතිය යටතේ, දෙදින තරුණ පුහුණු වැඩසටහනක් 2026 ජූලි 11 සහ 12 යන දිනවල පවත්වන ලදී. පාමනුගම, සැන්චුවරි හවුස් (Sanctuary House) හිදී පැවති මෙම වැඩසටහන, ප්‍රාදේශීය තරුණ ක්‍රිස්තියානි සංගම් දෙකක තරුණ නායකයින්ගේ සහභාගීත්වයෙන් පැවැත්වුණු අතර, එමගින් ස්ත්‍රී පුරුෂ සමාජභාවය මත පදනම්වූ හිංසනය පිළිබඳ ඔවුන්ගේ අවබෝධය පුළුල් කරමින්, සිය ප්‍රජාවන් තුළ ධනාත්මක සමාජ වෙනසක් උදෙසා ඔවුන් දායක කර ගැනීම අපේක්ෂා කෙරිණි.

මෙම වැඩසටහන සඳහා පාමනුගම තරුණ ක්‍රිස්තියානි සංගමය නියෝජනය කරමින් තරුණ තරුණියන් 10 දෙනෙකු ද, මීගමුව තරුණ ක්‍රිස්තියානි සංගමය නියෝජනය කරමින් 12 දෙනෙකු ද සහභාගී වූහ. අන්තර්ක්‍රියාකාරී ඉගෙනුම් ක්‍රමවේද හරහා, සහභාගිවන්නන් විසින් ලිංගිකත්වය (Sex) සහ ස්ත්‍රී පුරුෂ සමාජභාවය (Gender) අතර වෙනස, ස්ත්‍රී පුරුෂ භූමිකාවන්, සමාජ සම්මතයන්, ඒකාකෘති, ස්ත්‍රී පුරුෂ අනන්‍යතාවය, ලිංගික දිශානතිය, බලය, සමානාත්මතාවය සහ සාධාරණත්වය වැනි සංකල්ප මෙන්ම, ස්ත්‍රී පුරුෂ සමාජභාවය මත පදනම්වූ හිංසනයේ විවිධ ස්වරූපයන් පිළිබඳව ගැඹුරින් සාකච්ඡා කරන ලදී. විශේෂයෙන්ම, 'GBV Tree' නමැති විශ්ලේෂණ මෙවලම භාවිත කරමින්, හිංසනයට මුල්වන හේතු, ඊට දායක වන සාධක සහ එහි ප්‍රතිවිපාක විද්‍යාත්මකව හඳුනා ගැනීමට සහ අසමාන බල සම්බන්ධතා තුළින් හිංසනය උත්සන්න වන ආකාරය අවබෝධ කර ගැනීමට ඔවුහු උත්සාහ කළහ.

මෙම වැඩසටහනේ වැදගත්ම අංගයක් වූයේ පුහුණු සැසිවලින් ඔබ්බට ගොස් ප්‍රායෝගික විසඳුම් කරා එළඹීමයි. ඒ අනුව, තමන් නියෝජනය කරන සංගම් සහ ප්‍රජාවන් තුළ ක්‍රියාත්මක කළ හැකි දැනුවත් කිරීමේ වැඩසටහන් සැලසුම් කිරීමට සහභාගිවන්නෝ යොමු වූහ. අධ්‍යාපනය, සංවාදය සහ ප්‍රජා සහභාගීත්වය තුළින් ස්ත්‍රී පුරුෂ සමාජභාවය මත පදනම්වූ හිංසනය වැළැක්වීමට දායක විය හැකි ආකාරය පිළිබඳව ඔවුහු නිර්මාණශීලී අදහස් ඉදිරිපත් කළහ.

පුහුණු සැසිවලට අමතරව, මෙම වැඩසටහන සහභාගිවන්නන් අතර සුහදතාවය සහ අන්‍යෝන්‍ය සබඳතා වර්ධනය කිරීමට කදිම වේදිකාවක් විය. සන්ධ්‍යා කාලයේ පැවති විනෝදාත්මක ක්‍රියාකාරකම් මගින් සහභාගිවන්නන් අතර මිත්‍රත්වය ශක්තිමත් වූ අතර, ඔවුන් තුළ කණ්ඩායම් හැඟීම සහ පොදු අරමුණක් වෙනුවෙන් පෙළගැසීමේ ස්වභාවය තවදුරටත් තහවුරු විය.

තරුණ පරපුරේ දැනුම සහ කැපවීම ශක්තිමත් කිරීම තුළින්, "ස්ත්‍රී පුරුෂ සමාජභාවය මත පදනම්වූ හිංසනය වැළැක්වීම උදෙසා තරුණ මැදිහත්වීම" ව්‍යාපෘතිය අරමුණු කරන්නේ, ශ්‍රී ලංකාව තුළ වඩාත් සුරක්ෂිත, සමානාත්මතාවය සහිත සහ හිංසනයෙන් තොර ප්‍රජාවක් ගොඩනැගීමට දායක වන වගකීම් සහගත තරුණ නායකයින් බිහි කිරීමයි.

National Council of YMCAs of Sri Lanka Equips Youth to Promote Safe and Respectful Communities

The National Council of YMCAs of Sri Lanka (NCYSL) successfully conducted a two-day youth training programme on 11 and 12 July 2026 under its Young People Taking Action to Prevent Gender-Based Violence (GBV) project. The training was held at Sanctuary House, Pamunugama, bringing together young leaders from two local YMCAs to strengthen their understanding of Gender-Based Violence and prepare them to become advocates for positive change within their communities.

The programme was attended by 10 young people from the YMCA of Pamunugama and 12 young people from the YMCA of Negombo. Through interactive learning methods, participants engaged in discussions, group work and reflective activities designed to build a strong foundation in gender-related concepts and Gender-Based Violence.

Throughout the training, participants explored key topics including the difference between Sex and Gender, Gender Roles, Gender Norms, Gender Stereotypes, Gender Identity, Sexual Orientation, Power, Equality and Equity, and the different forms of Gender-Based Violence. Using the GBV Tree tool, participants analyzed the root causes, contributing factors and consequences of GBV, helping them understand how harmful social norms and unequal power relationships can lead to violence.

A key component of the programme was looking beyond the training itself. Participants worked together to discuss and design practical awareness activities that can be implemented within their own YMCAs and extended to children, youth groups and the wider communities where their YMCAs serve. These discussions encouraged young people to think creatively about how they can contribute to preventing Gender-Based Violence through education, dialogue and community engagement.

Beyond the learning sessions, the programme also created opportunities for fellowship and relationship building. The evening activities provided a relaxed environment where participants from both YMCAs connected through games and conversations.These informal interactions strengthened friendships, encouraged teamwork and fostered a spirit of unity among the participants.

By strengthening the knowledge and engagement of youth, the Young People Taking Action to Prevent GBV project aims to empower young people to become active contributors in creating safer, more inclusive and violence-free communities across Sri Lanka.

Building an Inclusive Future: Empowering Youth through Disability Inclusion Awareness

The training dialogue on the inclusion of persons with disability, conducted by the Young Men's Christian Association of Pamunugama under the 'Makalause Dream' project on July 7, 2026, was another step aimed at bringing about an attitudinal change in society.

The program was held in the association’s new youth safe space and was attended by 13 young people, two teachers from the Makalause Dream School, and the General Secretary of the association; it was an occasion that broadened everyone’s knowledge and understanding.

Opening the program, the General Secretary made a presentation on the basic concepts of disability. It was emphasized that disability is a conflict between an individual’s physical or mental impairments and the physical, attitudinal, and systemic barriers existing in society, and that the disability lies not within the person, but within those societal barriers.

Special attention was paid to the correct use of language, keeping humanity and respect in mind. The participants well understood the importance of using respectful terms such as "person with disability" instead of derogatory terms like "disabled person",  "helpless person." and etc.

In the discussion on theoretical models regarding persons with disability, the need to move away from traditional and charity-based models rooted in old myths and pity toward rights-based and social models was clarified.

Further details were provided on how equal opportunities can be provided to persons with disability through concepts such as Universal Design and Reasonable Accommodation. The legal value of this process was also understood by the participants through an awareness of the UN Convention on the Rights of Persons with Disabilities (UNCRPD), an international commitment accepted by Sri Lanka.

Subsequently, the teachers of the Makalause Dream School shared their practical experiences, discussing steps that can be taken to overcome physical and attitudinal barriers in society, as well as their daily experiences in dealing with children with disability with the youth.

The association expresses its gratitude to World Vision for their financial contribution to the painting of the association's new youth safe space, which facilitated the holding of this program. According to the evaluations conducted at the beginning and end of the program, a clear growth in the knowledge and attitudes of the participating youth toward persons with disability was observed.

This positive attitudinal change within the younger generation will undoubtedly be a great strength in the future activities carried out by the association to build an inclusive society.

සමාජ බාධක ජය ගනිමු, අන්තර්කරණය උදෙසා තරුණ දායකත්වය පිළිබඳ සංවාදය

පමුණුගම තරුණ ක්‍රිස්තියානි සංගමය විසින් මාකලෝසා සිහිනය ව්‍යාපෘතිය යටතේ 2026 ජූලි 7 වන දින පවත්වන ලද ආබාධ සහිත ප්‍රජාව අන්තර්කරණය පිළිබඳ පුහුණු සංවාදය, සමාජයේ ආකල්පමය වෙනසක් ඇති කිරීම අරමුණු කරගත් තවත් එක් පියවරක් විය.

සංගමයේ නව තරුණ ආරක්ෂිත අවකාශයේදී පැවැත්වූ මෙම වැඩසටහන සඳහා තරුණ තරුණියන් 13 දෙනෙකු, මාකලෝසා සිහින පාසලේ ගුරුතුමියන් දෙදෙනා සහ සංගමයේ ප්‍රධාන ලේකම්වරයා සහභාගී වූ අතර, මෙය සියලුදෙනාගේම දැනුම සහ අවබෝධය පුළුල් කළ අවස්ථාවක් විය.

වැඩසටහන ආරම්භ කරමින් ප්‍රධාන ලේකම්වරයා විසින් ආබාධිතභාවය පිළිබඳ මූලික සංකල්ප පිළිබඳව ඉදිරිපත් කිරීමක් සිදු කරන ලදී. ආබාධිතභාවය යනු පුද්ගලයෙකුගේ ශාරීරික හෝ මානසික දුර්වලතා සහ සමාජයේ පවතින භෞතික, ආකල්පමය සහ ක්‍රමවේද බාධක අතර සිදුවන ගැටුමක් බවත්, ආබාධය ඇත්තේ පුද්ගලයා තුළ නොව එම සමාජීය බාධක තුළ බවත් අවධාරණය කෙරිණි. 

මනුෂ්‍යත්වය සහ ගෞරවය පෙරදැරි කරගෙන භාවිතා කළ යුතු නිවැරදි භාෂා භාවිතය පිළිබඳව ද මෙහිදී විශේෂ අවධානයක් යොමු විය. විශේෂයෙන්ම 'ආබාධිතයා' හෝ 'අසරණයා' වැනි වචන වෙනුවට 'ආබාධ සහිත පුද්ගලයා' වැනි ගෞරවනීය යෙදුම් භාවිත කිරීමේ වැදගත්කම සහභාගී වූවන් හොඳින් වටහා ගත්හ.

ආබාධ සහිත පුද්ගලයන් සම්බන්ධයෙන් පවතින න්‍යායාත්මක ආකෘති පිළිබඳ සාකච්ඡාවේදී, පැරණි මිථ්‍යාවන් සහ අනුකම්පාව පදනම් කරගත් සම්ප්‍රදායික සහ පුණ්‍යාධාර ආකෘතිවලින් මිදී, අයිතිවාසිකම් මත පදනම් වූ සහ සමාජීය ආකෘති කරා යොමුවීමේ අවශ්‍යතාවය පැහැදිලි කෙරිණි. 

විශ්වීය සැලසුම්කරණය (Universal Design) සහ සාධාරණ අවකාශ (Reasonable Accommodation) වැනි සංකල්ප මගින් ආබාධ සහිත පුද්ගලයන්ට සමාන අවස්ථා ලබාදිය හැකි ආකාරය පිළිබඳව ද මෙහිදී වැඩිදුරටත් කරුණු ඉදිරිපත් විය. ශ්‍රී ලංකාව පිළිගත් ජාත්‍යන්තර බැඳීමක් වන ආබාධ සහිත පුද්ගලයන්ගේ අයිතිවාසිකම් පිළිබඳ එක්සත් ජාතීන්ගේ සම්මුතිය (UNCRPD) පිළිබඳව දැනුවත් කිරීම මගින්, මෙම ක්‍රියාවලියේ ඇති නීතිමය වටිනාකම ද සහභාගී වූවන්ට අවබෝධ විය.  

ඉන් අනතුරුව, මාකලෝසා සිහින පාසලේ ගුරුතුමියන් විසින් තම ප්‍රායෝගික අත්දැකීම් බෙදාගනිමින්, සමාජයේ පවතින භෞතික සහ ආකල්පමය බාධක මගහරවා ගැනීමට ගත හැකි පියවර පිළිබඳව මෙන්ම ආබාධ සහිත දරුවන් සමඟ ගනුදෙනු කිරීමේදී ඔවුන් එදිනෙදා  මුහුණ දෙන අත්දැකීම් පිළිබඳව ද තරුණ තරුණියන් සමග බෙදා ගන්නා ලදී.  

මෙම වැඩසටහන පැවැත්වීම සඳහා ඉඩ පහසුකම් සලසා දුන් සංගමයේ නව තරුණ ආරක්ෂිත අවකාශය අලුත්වැඩියා කිරීම සඳහා මූල්‍ය දායකත්වය ලබාදුන් වර්ල්ඩ් විශන් ආයතනයට සංගමය සිය කෘතඥතාව පළ කරයි. වැඩසටහන ආරම්භයේ සහ අවසානයේ සිදුකළ ඇගයීමට අනුව, සහභාගී වූ තරුණ තරුණියන්ගේ ආබාධ සහිත පුද්ගලයන් කෙරෙහි වූ ආකල්ප සහ ඔවුන්ගේ දැනුමේ පැහැදිලි වර්ධනයක් දක්නට ලැබිණ. 

තරුණ පරපුර තුළ ඇති වූ මෙම ධනාත්මක ආකල්පමය වෙනස, අන්තර්කරණය වූ සමාජයක් ගොඩනැගීමට අනාගතයේදී සංගමය සිදු කරන්නාවූ කටයුතුවලදී විශාල ශක්තියක් වනු නොඅනුමානය.   

Day-out for Makalause at a Shpping Mall - මාකලෝසා දවන්ගේ සාප්පු සංකීර්ණ චාරිකාව

9 Makalause students and teachers went for a day out to Reality Plaza shopping center. They visited the shops and other important places in the shopping center. 

While visiting the place they also paid a visit to Dinusha Nanayakkara's Nikon Studio. It was very interesting to know about the art photography and videography in which he showed our students many rare pictures and videos of beautiful places in Sri Lanka and the difficult journeys in search of them. A few parents accompanied the teachers to help the children with difficulties. 

Finally they all went to the Pizza Hut just in front of Reality Plazza and enjoyed a delicious meal.  It was a wonderful day for Makalause students.

2026.06.26 දින මාකලෝසා සිහින පාසලේ දරුවෝ 9 දෙනෙකු, ගුරුතුමියන් දෙදෙනා සහ කළමණාකරු ජාඇල රියැලිටි ප්ලාසා සාප්පු සංකීර්ණය බැහැදුටූහ. 

එහි සාප්පු හා වෙනත් ස්ථාන බැහැදුටු ඔවුනට දිනූෂ නානායක්කාර මහත්මාගේ නිකොන් ස්ටුඩියෝව සුවිශේෂ මතක සටහනක් සනිටුහන් කළ ස්ථානයක් විය. එහිදී එම ස්ථානයේ වූ විසල් ඩිජිටල් තිරය මත ශ්‍රී ලංකාවේ දුර්ලභ වූත් අති සුන්දර දසුන් දැක ගැනීමේ භාග්‍යය මාකලෝසා පවුලට හිමිවිය. 

මෙම චාරිකාවේදී අපහසුතා ඇති දරුවන් වෙනුවෙන් මව්වරුන් කීප දෙනෙකු සහභාගි වූ අතර රියැලිටි ප්ලාසා සංකීර්ණයට ඉදිරියෙන් පිහිටි පිට්සා හට් ස්ථානයෙන් රසවත් ආහාර වේලක් රස විඳින්නට ඔවුනට අවස්ථාව ලැබිණි.

මාකලෝසා සිහිනව වැඩසටහනේ දෙමාපියන් වෙනුවෙන් පැවති පුහුණු හමුව

2026 ජුනි 25 වන දින, පමුණුගම ෆිෂ් පාර්ක් ආපනශාලාවේදී මාකලෝසා සිහිනය වැඩසටහන හා සම්බන්ධ දරුවන්ගේ දෙමාපියන් 15 දෙනෙකුගේ සහභාගීත්වයෙන් වැඩමුළුවක් පැවැත්විණි. මෙම වැඩමුළුවේදී ප්‍රධාන වශයෙන්ම ආබාධිතභාවය පිළිබඳ සංකල්පය අද සමාජය තුළ දකින ආකාරය සහ ඒ පිළිබඳව පවතින වැරදි ආකල්ප දුරු කරගනිමින්, අපේ දරුවන් දෙස වඩාත් ධනාත්මකව බලන්නේ කෙසේද යන්න පිළිබඳව සාකච්ඡා කෙරින. මෙම සාකච්ඡා හරහා අපගේ දරුවන්ගේ අවශ්‍යතා සහ අයිතිවාසිකම් පිළිබඳව මනා අවබෝධයක් ලබා ගැනීමට මෙන්ම, ඒ සම්බන්ධව ඇති ව්‍යාකූලතා දුරු කරගෙන වැඩි ආත්ම විශ්වාසයකින් ඉදිරියට යාමට හැකිවනු ඇතැයි සංගමය විශ්වාස කරයි.

එමෙන්ම, මෙම වැඩමුළුව දෙමාපියන් හට තමන්ගේ ප්‍රායෝගික අත්දැකීම් බෙදාගැනීමට අවස්තාවක් උදාකෙරින. බොහෝ දෙමාපියන්ට රජයේ ආයතන හරහා තම දරුවන්ට ලබාගත හැකි සහන සහ පහසුකම් පිළිබඳව අඩු අවබෝධයකින් සිටී. එම ගැටලුවට විසඳුමක් ලෙස, රජයේ ආයතන මගින් ආබාධිත පුද්ගලයන් සඳහා ලබා දෙන පහසුකම් මොනවාද සහ එම සේවාවන් ලබා ගැනීමට නිවැරදිව ප්‍රවේශ වන්නේ කෙසේද යන්න පිළිබඳව මෙහිදී සාකච්ඡා කෙරින. මේ සඳහා මාකලෝසා සිහිනය කාර්ය මණ්ඩලය, පමුණුගම YMCA හි ප්‍රධාන ලේකම් සහ මාකලෝසා සිහිනය කාර්ය සාධක කමිටුවේ සභාපති අරුණ ශාන්ත නෝනිස් මහතා සහභාගී විය. 

වැඩමුළුවේ වැදගත්ම කොටස වූයේ අප සැමගේ එකමුතුකම සහ මානසික ශක්තිය පිළිබඳව කතාබහ කිරීමයි. කොතරම් බාධක පැමිණියද, දෙමාපියන් ලෙස අප සැම එකම පවුලක් සේ එක්වී කටයුතු කිරීමේ වැදගත්කම මෙහිදී අවධාරණය කෙරිණි. ආබාධ සහිත පුද්ගලයන්ගේ අයිතිවාසිකම් සමාජය තුළ සම්පූර්ණයෙන්ම තහවුරු වන තුරු අප නොසැලී, එකාවන්ව පෙනී සිටිය යුතු බව මෙම වැඩසටහන අතරතුර සිහිගන්වන ලදි. මෙම වැඩමුළුව තොරතුරු බෙදාගැනීමෙන් ඔබ්බට ගොස්, දෙමාපියන් අතර තිබූ සුහදත්වය වර්ධනය කිරීමටත්, ඉදිරි අභියෝග ජය ගැනීමට අවශ්‍ය ශක්තිමත් පවුලක් ලෙස එකමුතු වීමටත් ලැබුණු කදිම අවස්ථාවක් විය.