ශ්‍රී ලංකාවේ පලස්තීන තානාපති කාර්යාලය විසින් වාර්ෂිකව පවත්වනු ලබන නත්තල් ඉටිපන්දම් දැල්වීමේ උත්සවය 2023 දෙසැම්බර් 11 වන දින කොළඹ 7, විජේරාම පාරේ පිහිටි තානාපති කාර්යාල පරිශ්‍රයේදී විවෘත විය.
පලස්තීනයේ, විශේෂයෙන් ගාසා තීරයේ, ඊශ්‍රායල හමුදාවන්ගේ අඛණ්ඩ ප්‍රහාරවලින් පලස්තීනුවන්ගේ දුක් වේදනා තීව්‍ර කර ඇති අතර, උග්‍රවෙමින් පවතින තත්වය මෙම වැඩසටහනේ අවධානයට ලක් වූ බැවින්, මෙම වසරේ නත්තල් ඉටිපන්දම් දැල්වීමේ වැඩසටහන වෙනස් මුහුණුවරක් ගන්නා ලදී.
මෙම උත්සවය සහයෝගීතාවයේ වේදිකාවක් ලෙස ක්‍රියා කළ අතර, පවතින කැලඹිලි මධ්‍යයේ පලස්තීනයේ ජනතාවට ඔවුන්ගේ සහයෝගය සහ සැලකිල්ල ප්‍රකාශ කිරීමට විවිධ කණ්ඩායම් සහ පුද්ගලයින්ට පලස්තීන තානාපති කාර්යාලය විසින් ආරාධනා කර තිබිණ. මේ අතර පමුණුගම තරුණ ක්‍රිස්තියානි සංගමයේ තරුණ කණ්ඩායමද විය. මේ වන විට පලස්තීනයේ සිදුවන මහා විනාශයේ කෲරත්වය පිළිබඳ කියැවෙන ගීතයක් ගායනා කරන ලදි.
කොළඹ කතෝලික රදගුරු පදවියේ අගරදගුරු අතිඋතුම් මැල්කම් කාදිනල් රංජිත් හිමිපාණන්, ගෞරවනීය පියතුමන්ලා, සොහොයුරියන්, මහ කොමසාරිස්වරුන්, තානාපතිවරුන්, පාර්ලිමේන්තු මන්ත්‍රීවරුන් සහ සිවිල් සමාජ සංවිධානවල නායකයින් ඇතුළු සම්භාවනීය පුද්ගලයින් මෙම අවස්ථාවට පැමිණ තම සහයෝගය පලස්තීන ජනතාව වෙත පළ කරන ලදි.
තම සංවේදී දේශනය අතරතුර පලස්තීන තානාපතිවරයා, ශ්‍රී ලංකාවේ ජනතාව විසින් දක්වන ලද නොසැලෙන සහයෝගීතාවයට කෘතඥතාව පළ කරමින්, පවතින ගැටුම් හේතුවෙන් ඇති වී ඇති ගැඹුරු දුක් වේදනා පිළිබඳව බෙදා ගන්නා ලදී . නිදහස් පලස්තීනය පිළිබඳ දැක්ම සඳහා යාඥා කරන ලෙස තානාපතිවරයා සියල්ලන්ගෙන්ම ආයාචනා කළේය.
No comments:
Post a Comment