පන්තිකාමරය තුළ කොවිඩ් 19 න් ආරක්ෂා වන්නේ කෙසේද?

මේ වන විට ලංකාව තුළ කොවිඩ් ආසාධිතයින් මෙන්ම මරණ සංඛ්‍යාවේද අඩුවක් නොමැති තත්වයක වුවද රටේ බොහෝ අංශ පූර්ණ වශයෙන් විවෘත කොට ඇත. අධ්‍යාපන ක්ෂේත්‍රය තවමත් විවෘත කොට නොමැති වූවද ඒ පිළිබඳව සාකච්ඡා දිගින් දිගටම ක්‍රියාත්මක වෙමින් පවතී.

ඒවැනි තත්වයක් තුළ පාසල් ආරම්භවූ විට කොවිඩ් 19 පන්තිකාමරයෙන් හැකිතාක් තුරන් කරන්නේ කෙසේ දැයි විමසා බැලීම සඳහා පුහුණුවක් 2021 ජුලි මස 28 වන දින පමුණුගම තරුණ ක්‍රිස්තියානි සංගම් ශාලාවේදී පැවැත්වින. 

විශේෂ හැකියාවන් සහිත පුද්ගලයින් සඳහා වූ එකමුතුව මඟින් සංවිධානය කොට තිබූ මෙම වැඩසටහන සඳහා ඊට අනුබද්ධ මාකලෝසා සිහින පාසල, සන්තෝෂා පදනම සහ කපුවත්ත ඩිවයින් කෙයාර් මධ්‍යස්ථානය නියෝජනය කරමින් ගුරුවර ගුරුවරියන් 7 දෙනෙකු සහභාගීවිය. පාසල ආරම්භ වීමත් සමඟ විශේෂයෙන් සැළකිය යුතු සෞඛ්‍ය පුරුදු මෙන්ම හදිසි අවස්ථාවකදී ගතයුතු ක්‍රියාමාර්ග පිළිබඳවද සාකච්ඡා කෙරින.