පමුණුගම තරුණ ක්‍රිස්තියානි සංගමය හා ජර්මනියේ මියුනිච් තරුණ ක්‍රිස්තියානි සංගමය එක්ව මෙහෙයවු මෙහෙවර වැඩසටහන තෙවන වරටත් ඉතා සාර්ථක අන්දමින් පමුණුගම තරුණ ක්‍රිස්තියානි සංගමයේදී පැවැත්විණි. මියුනිච් තරුණ තරුණියන් නව දෙනෙකුගේ සහභාගීත්වයෙන් (ගැහැණු 04 සහ පිරිමි 05) මාර්තු මස 06 වන දින සිට මාර්තු මස 16 වන දින දක්වා පැවති මෙම වැඩසටහන සදහා ජර්මන් (මියුනිච්) කණ්ඩායමෙි නායකත්වය දරණු ලැබුවෙි 2017 වසරේ මෙවැනිම මෙහෙවර වැඩසටහනක් සඳහා සහභාගි වී අත්දැකිමි ලත් තරුණ නායකයෙකු වන බස්ති තරුණ නායකයා විසිනි.
මෙම වැඩසටහනේ ප්‍රධානතම අංගයක් ලෙස තරුණ තරුණියන් සඳහා පැවැත්වු මෙහෙවර කඳවුර සූවිශේෂි විය. මාර්තු මස 08-10 දිනයන්හී පැවති මෙම කඳවුර සඳහා මියුනිචි තරුණ තරුණියන්ට අමතරව පමුණුගම තරුණ ක්‍රිස්තියානි සංගමය , වවිනියාව තරුණ ක්‍රිස්තියානි සංගමය සහ වැලිසර ඵක්සත් නැමදුමි දෙවිමැඳුර නියෝජනය කරමින් තරුණ තරුණියන් 28 දෙනෙකුගේ සහභාගීිත්වය දක්නට ලැබිණි. මෙම කඳවුර ප්‍රධාන වශයෙන්ම විශ්වාසය, ආදරය, බලාපොරොත්තුව හා අනුගාමිකත්වය යන තේමාවන්ට මුුුූලිකත්වය ලබා දෙමින් පැවති අතර එහිදී ගිණිමැලයක්, බයිබල් අධ්‍යයන කීපයක්, කණ්ඩායකම් ක්‍රියාකාරකම් සහ වන්දනා සඳැවක්ද සංවිධානය කොට තිබිණි.
මාර්තු මස 11 වන දින මියුනිච් තරුණ කණ්ඩායම පමුණුගම තරුණ ක්‍රිස්තියානි සංගමයට අයත් මාකලෝසා සිහිනය පාසල නැරඹීමට එක්වූ අතර එහිදී එම පාසලේ විශේෂ අධ්‍යාපන අවශ්‍යතා ඇති දරුවන් සමග ගීත, නර්ථන හා ක්‍රීඩා කටයුතු සඳහා යොමු වූයේ ඉතා උද්යෝගීමත් ලෙසය. එදින සැඳැභාගය වෙන්ව තිබුනේ මියුනිච් තරුණ පිරිස සමග මීගමුව කළපු තීරයේ අසිරිය නෑරඹීම සඳහා වූ බොට්ටු සවාරියක් සඳහාය. මාර්තු මස 13 වන දින ඔවුන් පිලිකුත්තුව රජමහා විහාරය නැරඹීමට යොමුවූ අතර එහිදී ලාංක්‍රීය බෞද්ධ සංස්කෘතිය පිළිබඳව යම් හඳුනාගැනීමක් සිදුවිය. තවද ගම්පහ හෙනරත්ගොඩ උද්භිත උද්‍යානය නරඹමින් එදින සෑඳෑව ගතකරන්නට ඔවුන්ට හැකිවිය.
මාර්තු මස 14 වන දින ඔවුන් කොළඹ නගරය දැකබලා ගැනීමේ
මාර්තු මස 15 වන දින සවස පමුණුගම තරුණ ක්‍රිස්තියානි සංගම් ප්‍රධාන ශාලාවේදී වර්ණවත් සංස්කෘතික ප්‍රදර්ශනයක් පැවති අතර ඒ සඳහා මියුනිච් තරුණ තරුණියන්, පමුණුගම තරුණ ක්‍රිස්තියානි සංගමයට අයත් ළමා හවුල, බාලදක්ෂ හා බාලදක්ෂිකා කණ්ඩායම, පෙර පාසල සහ මාකලෝසා සිහිනය විශේෂ දරුවන් සඳහා වූ පාසලේ දරුදැරියන්ගේද දක්ෂතා දක්නට ලැබිණී. එහිදී සිංහල ගීතයකට රංගනයේ යෙදුනු මියුනිච් තරුණ කණ්ඩායම කාගේත් අවධානය දිනාගන්නට සමත්විය. මෙම වැඩසටහන සඳහා නරඹන්නන් 150 දෙනෙකුගේ පමණ සහභාගීත්වය දක්නට ලැබිණි.
මාර්තු මස 16 වන දින මියුනිච් තරුණ සංචාරයේ අවසන් දිනය විය. එදින ඔවුන් පමුණුගම තරුණ ක්‍රිස්තියානි සංගමයේ දරුවන් සමග ක්‍රීඩා හා ක්‍රියාකාරකම් කරමින් සතුටින් කාලය ගතකළ අතර එය අප දරුවන්ටද නව අත්දැකීමක් බවට පත්විය.
ඒ අනුව ඉතා සාර්ථක සංචාරයක් නිමාකරමින් මියුනිච් තරුණ කැළ පමුණුගම තරුණ ක්‍රිස්තියානි සංගමයට ස්තූතිය සහ සුභපැතුම් පිරිනමමින් සිය රට බලා පිටත්වූයේ අපිරිමිතවූ අත්දැකීම් සමුදායක් පමුණුගම සහ මියුනිච් තරුණ ක්‍රිස්තියානි සංගම් දෙක හට ඉතිරි කරමිනි.
No comments:
Post a Comment