සිරිමාවෝ බණ්ඩාරනායක මැතිණියට මේ රටේ නායිකාව ලෙස සිටිනා කාලවකවානුවේ ඊශ්‍රායලය පලස්තීනුවන්ට කරන පීඩාවන්ට විරෝධය දැක්වීමට ඊශ්‍රායලය සමග තිබූ තනාපති සබදතාවයන් පවා නතර කර දැමුවාය.
ආන්ඩුව ඊශ්‍රායලයෙන් යුද සහය ලබා ගැනීම සදහා පලස්තීනය වෙනුවෙන් නිහඩ පිලිවෙතක් අනුගමනය කිරීමට කටයුතු කළ අවස්ථා කීපයකදී මෙරට ප්‍රගතිශීලී කණ්ඩායම් වලින් ආණ්ඩුවට දැඩි විරෝධතාවයක් එල්ල විය.
ශ්‍රී ලංකාවේ තරුණ ක්‍රිස්තියානි සංගමය
2022 දී ඩෙන්මාර්කයේදී පැවති තරුණ ක්‍රිස්තියානි සංගම් ලෝක සම්මේලනයේදි සම්මත කරගනු ලැබූ පලස්තීන ජනතාවගේ අරගලයට සහය දැක්වීමේ විශේෂ යෝජනාව නොර්වේ සහ ස්වීඩනයේ තරුණ ක්‍රිස්තියානි සංගම් සමග ඉදිරිපත් කරනු ලැබුවේ ශ්‍රී ලංකාවේ තරුණ ක්‍රිස්තියානි සංගමය වීම විශේෂ අවස්ථාවකි.
1988 සිට පලස්තීන තරුණ ක්‍රිස්තියානි සංගමය සහ ශ්‍රී ලංකාවේ තරුණ ක්‍රිස්තියානි සංගමය අතර විවිධ සහයෝගිතා වැඩසටහන් ක්‍රියාත්මක කරනු ලැබූ අතර 2023 සැප්තැම්බර් 30 මීගමුවේදී පැවැත්වූ පලස්තීන කොඩි දිනය සැමරීම වෙනුවෙන් සංවිධානය කරනු ලැබූ සරුංගල උත්සවය සහ සංස්කෘතික වැඩසටහනට සෙත්තප්පාඩුව පමුණුගම තරුණ ක්‍රිස්තියානි සංගමය සම සංවිධායකයෙකු ලෙස සහභාගි විය.
No comments:
Post a Comment