තලාහේන පේරුවේ ගම්වලටත් මේ සියලු බලපෑම්වලට මුහුණ දීමට සිදුවිය. ධීවර අස්වැන්නට යහපත් මිළක් නොලැබීමත්, වෙනත් අදායම් මාර්ග නොමැතිවීමත්, අධ්‍යාපනය, සෞඛ්‍යය, ගමනාගමනය වැනි සේවාවන් බිඳවැටීමත් නිසා සාමාන්‍ය ජන ජීවිතය හෙල්ලුම්කා තිබුනි.
මෙම පූර්විකාව නොමැතිව බෙනී ගැන සටහනක් තැබිය නොහැකිය. 1974දී තරුණ පිරිසක් විසින් "සැනසුම" තරුණ සමාජය බිහිකරන්නේ මෙම දුෂ්කර තත්ත්වයන්ට මුහුණ දීම සඳහා මිනිසුන්ට සහය වීමටය. බෙනී "සැනසුම" අරම්භක සාමාජිකයකු පමණක් නොව එහි බර දරා සිටි සවිමත් කූළුනක්ද විය.
ඔහු සමූහයක් අතරදී කැපි පෙනෙන්නට කැමති චරිතයක් නොවූ අතර තරමක ලජ්ජාශීලි බවක්ද පළ කළේය. එහෙත් අසාධාරණයක්, අකටයුත්තක් දුටුවිට එවැන්නකට එරෙහිව පෙරට එන්නට තරම් ආත්ම ශක්තියක් ඔහු වෙත විය. මේ
දර්ශනය පදනම් කරගෙන සැනසුම තරුණ සමාජයේත්, තරුණ ක්‍රිස්තියානි සංගමයේත් ප්‍රධාන ලේකම් ලෙස ක්‍රියා කරමින් ඔහු කළ කාර්යභාරය විශිෂ්ඨය. මුදලාලි ඒකාධිකාරය බිඳ දැමීමට සහ ණය බරින් දුගී ජනතාව මුදාගැනීමේ මගක් ලෙස සෙත්තප්ඩුව ග්‍රාමීය බැංකූව බිහිකිරීමට, ධීවර යාත්‍රා සහ දැල් ආම්පන්න ලබා දෙමින් ධීවරයා සවිමත් කිරීමට, ගැමි දරුවන්ගේ කඩා වැටුනු අධ්‍යාපනය නංවාළන්නට, ළමා සහ තරුණ වැඩසටහන් මගින් ඔවුන්ගේගේ අනාගතය යහපත් කරන්නට, යුද්ධයෙන් බැටකෑ අහිංසක ජනතාවට පිහිට වන්නට තරුණ ක්‍රිස්තියානි සංගමයට (සැනසුම) හැකි වුයේ බෙනී වැන්නන්ගේ උදාර කැපකිරීම් සහ දහදිය මහන්සිය පමණක්ම නිසාය.
කිසිවකූගේ දුකකදී, කරදරයකදී පිහිටට ඒමට බෙනීලාගේ සහෝදරත්වයට ආරාධනා අනවශ්‍ය විය. ලෙඩක, දුකකදී, මරණයකදී ඔවුන් එතැනය. එවන් එකමුතූවක් එතෙක් දකින්නට නොතිබුනි. (දැන්නම් එහි අඩුවක් පෙනේ).
සෙත්තප්පාඩුව දේවමාතා මන්ඩපය ඉදිකිරීමේදී, අවමංගල්‍යාධාර සේවය පිහිටුවීමේදී බෙනීගේ කාර්යභාරය අති මහත්ය. සමහර කාර්යයන්හිදී ඒවායේ සියළු බර තම කර පිටට ගත්තකූ ලෙස ඔහු කටයුතූ කළේය. ඒහැම දෙයකට වඩා වේදනාකාරි හා කටුක අත්දැකීම්වලට බෙනීද මුහුණ දුන්නේ ග්‍රාමීය බැංකූව ලබා ගැනීමේදීය. ඒ සඳහා ගෙනගිය අරගළයේදී ඔහු සිටියේ ඉදිරියෙනි. දේශපාලනය අජීර්ණවූ අය හරහට සිටිද්දී ඒවාට මුහුණ දෙමින් ඔහු කළ මෙහෙයට පුදකළ හැකි හොඳම ගෞරවය නම් ග්‍රාමීය බැංකූවමැයි. බෙනී තුළ සැඟවගත් දාර්ශනික දැනුම ග්‍රාමීය බැංකූ අරගළයේදී සංවිධානය කළ පෝස්ටර් ව්‍යාපාරයේදී ඔහුගේම අත් අකුරින් ලියැවුණු "ග්‍රාමීය බැංකු මාතාව විලි රුදාවෙන් පෙළෙන්නීය - බිහිවන්නට සිටින දරුවා දුප්පතාගේ රැකවළාය" යන වදනින් ඉස්මතූ විය.
බෙනී වැන්නන් එදා පෙන්වූ එඩිතර බව සහ කැපකිරීම නොවන්නට අද මේ ගම්වල ජනතාව බුක්ති විඳින නොයෙකූත් සේවාවන් ඔවුන්ට නොලැබෙන්නට ඉඩ තිබුනි. එබැවින් මේ ජනතාවගේ කෘතඥතාවය ඔවුන්ට හිමිවිය යුතූය.
පසුකාලීනව ඔහුගේ ජීවිතය තුළ විශ්මයජනක ලෙස කිතූණු දැක්ම හරවත් කරන අධ්‍යාත්මික පුබුදුවක් ජීවමාන විය. එවැනි තත්ත්වය් හැම දෙනාටම ළඟාකරගත නොහැකිය. ඔහු විශෂ්ඨයකු වන්නේද ඒ නිසාමය.
බෙනී සමගින් බොහෝ දේවල් නික්ම යනු ඇත. ඒ නිසා ඔහුගේ නික්ම යාම එම පවුලට මෙන්ම අපටද අහිමිවීමකි. කාලය විසින් මිනිසුන්ගේ මතකයෙන් අප හැමදෙන ඉවත් කරනු ඇත. එහෙත් අපෙන් අවසන් සගයාත් ජීවත් වනතුරු බෙනී ජීවත් වනු ඇත.
ජීවිතය යනු හමුවීම් සහ වෙන්වීම්ය. සමහර හමුවීම් සහ වෙන්වීම් අපට සංවේදී වන්නේ නැත. එහෙත් බෙනීගේ වෙන්වීම අප සිත් සිදුරු කළ ඊ පහරකි. එය බොහෝ කලක් අපට රිදුම් දෙනවා ඇත.
බෙනී ඔබ කළණ මිතුරෙකි - නොවෙනස් සහෝදරයෙකි. අපි එක්ව බොහෝ දේ කළෙමු. ඒ දුකටපත් මිනිසුන්ගේ දුක නිවන්නටය. ඒ හැම දෙයකම යහපත් විපාකය ඔබට හිමිවිය යුතුය.
ඉතින් මිතූර - ගමන් සගය - සොහොයුර ඔබේ ගමන අවසානය.
අපි සමුගනිමු - යළිත් හමුවන්නට.
පමුණුගම තරුණ කිස්තියානි සංගමය
