තායිවානයේ තායිචුං තරුණ ක්‍රිස්තියානි සංගමයේ 25 දෙනෙකුගෙන් යුත් කණ්ඩායනක් ශ්‍රී ලංකාවේ සංචාරයක් සඳහා සහභාගී විය. ශ්‍රී ලංකා තරුණ ක්‍රිස්තියානි සංගම් ජාතික සභාවේ මැදිහත්වීමෙන් සිදු වූ මෙම සංචාරය අතරතුර දින දෙකක් ගත කිරීම සඳහා ඔවුන් පමුණුගමට පැමිණියහ.
ජුලි 8 වන දින, ආබාධ සහිත ළමුන් සඳහා වන YMCA පාසලේ සංචාරයකින් වැඩසටහන ආරම්භ විය. සහභාගිවන්නන් දරුවන් සමඟ සෙල්ලම් කිරීම, නැටීම සහ ක්‍රීඩා වල නිරත වෙමින් අර්ථවත් සම්බන්ධතා ඇති කර ගත්හ. සවස් වරුවේ ඔවුන් පමුණුගම තරුණ ක්‍රිස්තියානි සංගමයේ දරුවන් සමග විනෝද ක්‍රියාකාරකම් සහ ගිනිමැලයක් සඳහා එක්වින.
පමුණුගම YMCA හි අධ්‍යක්ෂ මණ්ඩල සාමාජිකයින් සහ තරුණ සාමාජිකයින්ගේ සහභාගීත්වයෙන් YMCA පරිශ්‍රයේ පැවති සමුගැනීමේ BBQ රාත්‍රී භෝජන සංග්‍රහයකින් වැඩසටහන අවසන් විය. සමුගැනීමේ සාදය අතරතුර තායිචූං තරුණ ක්‍රිස්තියානි සංගමය වෙත සමරු තිළිණයක් ද පිරිනැමිණි.
No comments:
Post a Comment