පමුණුගම තරුණ ක්‍රිස්තියානි සංගමයේ පනස්වන සැමරුම සඳහා විශේෂ අමුත්තන් ලෙස මියුනිච් තරුණ ක්‍රිස්තියානි සංගමයේ ප්‍රධාන ලේකම් වන ස්ටෙෆාන් නික්ලස් මහතා සහ එම සංගමයෙහි ස්වේච්ඡා සාමාජිකයකු වන මාටින් මහතා සහභාගි විය. ඔවුන් දෙදෙනාම ස්තුති පුද කිරීමේ දිව්‍ය මෙහෙයට සහ සන්ධ්‍යාවේ පැවැති ප්‍රධාන සැමරුම් උළෙලට සම්බන්ධ විය.
ඉන් අනතුරුව දින කීපයක් පමණුගම රැඳී සිටි ඔවුහු තරුණ තරුණියන් සමඟ මෙනෙහි කිරීමේ වැඩසටහනකට නායකත්වය ලබා දෙන ලදී. තරුණ ක්‍රිස්තියානි සංගමයේ කාර්යමණ්ඩලය සහ පාලක මණ්ඩල සාමාජික සාමාජිකාවන් සමඟ සාකච්ඡා කීපයකටම එක් වූ ඔවුන් පමුණුගම සහ මියුනිච් අතර ඉදිරියේදී ඒකාබද්ධව කටයුතු කරන ආකාරය පිළිබඳවද සංවාද කරන ලදී.
ඔවුන් දෙදෙනා දෙසැම්බර් 7 වන දින ලංකාවට පැමිණි අතරින් දෙසැම්බර් 10 දින මාටින් මෙරටින් පිටත් වූ අතරින් 11 දින ස්ටෙෆාන්සේ තවත් රැස්වීම් කීපයක් සඳහා කොළඹ බලා පිටත් විය. මොවුන් දෙදෙනාගේ පැමිණීම සංගමයට මහත් ගෞරවයක් වන අතර ඒ පිළිබඳව පමුණුගම තරුණ ක්‍රිස්තියානි සංගමය ඔවුන්ට ස්තූතිවන්ත වෙමු.
No comments:
Post a Comment