Wednesday, December 16, 2020

කොවිඩ් වසංගතයට මුහුුණ දීම සඳහා මාකලෝසා සිහින පාසලේ දරුවන් හට විශේෂ වැඩසටහන් සැළැස්මක්

විශේෂ අවශ්‍යතා සහිත දරුවන් වෙනුවෙන් කටයුතු කරන සංවිධාන වල එකමුතුවේ ඉදිරිපත් කිරීමක් ලෙස කොවිඩ් වෛරසය හෙතුවෙන් නිවෙස් තුලට වී සිටින දරුවන් හට ක්‍රියත්මක කිරීම සදහා ක්‍රියාකාරකම් ඇතුලත් පොත් පිංචක් නිර්මාණය විය.

මෙම කාලය තුල දරුවන්ට නොලැබි යන පාසල්  අධ්‍යාපනය විකල්ප ක්‍රම භාවිතයෙන් ලබා දීමට දැරූ උත්සහයයක ප්‍රතිඵලයක් ලෙසද මෙම වැඩමාලාව ඇතුලත් පොත් පිංච දැක්විය හැක. මෙම පොත දරුවන්ගේ අධ්‍යාපනය, කායික, මානසික, විනොදාස්වාදය යන සියල්ලක්ම කැටි වූ අත් පොතකි.

මේ හරහා දරුවන්ගේ කාලය ප්‍රයෝජනවත්  හා ඵලදායී ලෙස ගත කිරීමට අවශ්‍ය පසුබිම සකසා දීමද අරමුණක් වේ. දෙමාපියන් හට ක්‍රියාකාරකම් පොත් පිංච හඳුන්වාදීම සහ බෙදාදීම 2020 දෙසැම්බර් මස 07 වන දින මාකලෝසා සිහින පාසලේදී සිදුවූ අතර අප සංවිධානයට අනුබද්ධිත අනිකුත් ආයතන වල බෙදා හැරීම් කටයුතු මේ දිනවල සිදුවේ.







No comments:

Post a Comment